dar khol ke dekhun zara idrak se bahar

Ejaz Gul

dar khol ke dekhun zara idrak se bahar

Ejaz Gul

MORE BYEjaz Gul

    dar khol ke dekhūñ zarā idrāk se bāhar

    ye shor kaisā hai mirī ḳhaak se bāhar

    rūdād-e-guzishta to sunī kūza-garī

    fardā bhī kar zikr jo hai chaak se bāhar

    ḳhush aayā ajab ishq ko ye jāma-e-zebā

    niklā nahīñ phir hijr poshāk se bāhar

    chāhā thā mafar dil ne magar zulf-e-girah-gīr

    pechāk banātī rahī pechāk se bāhar

    aatā nahīñ kuchh yaad ki ai sā.at-e-nisyāñ

    kyā rakkhā tire taaq pe kyā taaq se bāhar

    suntā huuñ kahīñ duur se naqqārā sabā

    utrī hai bahār ab ke bhī ḳhāshāk se bāhar

    kuchh der Thahar aur zarā dekh tamāshā

    nāpaid haiñ ye raunaqeñ is ḳhaak se bāhar

    maujūd ḳhalā meñ haiñ agar aur zamīneñ

    aflāk bhī hoñge kahīñ aflāk se bāhar

    dar khol ke dekhun zara idrak se bahar

    ye shor sa kaisa hai meri KHak se bahar

    rudad-e-guzishta to suni kuza-gari ki

    farda ka bhi kar zikr jo hai chaak se bahar

    KHush aaya ajab ishq ko ye jama-e-zeba

    nikla nahin phir hijr ki poshak se bahar

    chaha tha mafar dil ne magar zulf-e-girah-gir

    pechaak banati rahi pechaak se bahar

    aata nahin kuchh yaad ki ai saat-e-nisyan

    kya rakkha tere taq pe kya taq se bahar

    sunta hun kahin dur se naqqara saba ka

    utri hai bahaar ab ke bhi KHashak se bahar

    kuchh der Thahar aur zara dekh tamasha

    napaid hain ye raunaqen is KHak se bahar

    maujud KHala mein hain agar aur zaminen

    aflak bhi honge kahin aflak se bahar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY