dar-o-diwar pe ek saya paDa hai dekho

Akhtar Hoshiyarpuri

dar-o-diwar pe ek saya paDa hai dekho

Akhtar Hoshiyarpuri

MORE BYAkhtar Hoshiyarpuri

    INTERESTING FACT

    Sutoor- Delhi

    dar-o-dīvār pe ik saaya paḌā hai dekho

    mere raste meñ koī jaise khaḌā hai dekho

    zarra-e-ḳhāk ko sar par liye phirtī hai havā

    aur patthar ki zamīñ meñ gaḌā hai dekho

    is qadar bhiiḌ hai raste meñ ki chalnā hai muhāl

    aur bādal ki abhī sar pe khaḌā hai dekho

    apnī zaat ke saa.e meñ chhupā baiThā huuñ

    ki mirā saaya bhī to mujh se baḌā hai dekho

    mauj-e-dariyā ko samundar se mafar mushkil hai

    lauT bhī aao ki ye rasta kaḌā hai dekho

    koī to aa.e mujhe aa ke bachā.e is se

    merī dahlīz pe ik shaḳhs khaḌā hai dekho

    sar pe tūfān bhī hai sāmne girdāb bhī hai

    merī himmat ki vahī kachchā ghaḌā hai dekho

    sar kaTā kar bhī khaḌā huuñ sar-e-maidāñ aḳhtar

    is tarah jañg yahāñ kaun laḌā hai dekho

    dar-o-diwar pe ek saya paDa hai dekho

    mere raste mein koi jaise khaDa hai dekho

    zarra-e-KHak ko sar par liye phirti hai hawa

    aur patthar ki zamin mein hi gaDa hai dekho

    is qadar bhiD hai raste mein ki chalna hai muhaal

    aur baadal ki abhi sar pe khaDa hai dekho

    apni hi zat ke sae mein chhupa baiTha hun

    ki mera saya bhi to mujh se baDa hai dekho

    mauj-e-dariya ko samundar se mafar mushkil hai

    lauT bhi aao ki ye rasta kaDa hai dekho

    koi to aae mujhe aa ke bachae is se

    meri dahliz pe ek shaKHs khaDa hai dekho

    sar pe tufan bhi hai samne girdab bhi hai

    meri himmat ki wahi kachcha ghaDa hai dekho

    sar kaTa kar bhi khaDa hun sar-e-maidan aKHtar

    is tarah jang yahan kaun laDa hai dekho

    Source :
    • Book : 1971 ki Muntakhab Shayri (Pg. 64)
    • Author : Kumar Pashi, Prem Gopal Mittal
    • Publication : P.K. Publishers, New Delhi (1972)
    • Edition : 1972
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY