dar talak aa ke Tuk aawaz suna jao ji
dar talak aa ke Tuk āvāz sunā jaao jī
apne mushtāq ko itnā bhī na tarsāo jī
ġhair ke saath se bhāge hai mujhe dekh to maiñ
us se kahtā huuñ ki us ko tumhī Thahrāo jī
maiñ jo ik roz bulāyā unheñ ghar jaate dekh
paas aa baiTh ke kahne lage farmāo jī
shāna kyā zulf-e-pareshāñ meñ karo ho baiThe
apne uljhe hue bāloñ ko to suljhāo jī
zānū-e-ġhair pe shab sar na rakhā thā tum ne
jaao jhūTī na mire sar kī qasam khaao jī
mujh se kyā pūchho ho kyā jī meñ tire hai sach kah
hai jo kuchh jī meñ mire tum hī samajh jaao jī
raat añdherī hai chale aao mire ghar chhup kar
aa ke phir chāñd sā mukhḌā mujhe dikhlāo jī
ishq meñ hote haiñ myāñ-'mus.hafī' sau tarah ke ġham
go ġham-e-hijr hai itnā bhī na ghabrāo jī
dar talak aa ke Tuk aawaz suna jao ji
apne mushtaq ko itna bhi na tarsao ji
ghair ke sath se bhage hai mujhe dekh to main
us se kahta hun ki us ko tumhi Thahrao ji
main jo ek roz bulaya unhen ghar jate dekh
pas aa baiTh ke kahne lage farmao ji
shana kya zulf-e-pareshan mein karo ho baiThe
apne uljhe hue baalon ko to suljhao ji
zanu-e-ghair pe shab sar na rakha tha tum ne
jao jhuTi na mere sar ki qasam khao ji
mujh se kya puchho ho kya ji mein tere hai sach kah
hai jo kuchh ji mein mere tum hi samajh jao ji
raat andheri hai chale aao mere ghar chhup kar
aa ke phir chand sa mukhDa mujhe dikhlao ji
ishq mein hote hain myan-'mushafi' sau tarah ke gham
go gham-e-hijr hai itna bhi na ghabrao ji
Source:
kulliyat-e-mas.hafii(divan-e-soom) (Pg. 264)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
