Dara rahe hain ye manzar bhi ab to ghar ke mujhe
Darā rahe haiñ ye manzar bhī ab to ghar ke mujhe
dikhā.ī ḳhvāb diye raat bhar khañDar ke mujhe
har ik ġhazal meñ maiñ rozāna chāñd Tāñktā huuñ
sitāre chūmte haiñ shab utar utar ke mujhe
gañvā dī umr use nazm kar nahīñ paayā
salīqe aate haiñ vaise to har hunar ke mujhe
is ek shauq ne mujh ko miTā diyā yaaro
bas ek baar kabhī dekhnā thā mar ke mujhe
kināre baiTh ke kartā huuñ nazm ashkoñ ko
nadī sunātī hai afsāne chashm-e-tar ke mujhe
maiñ ik adhūrī sī tasvīr thā udāsī kī
kiyā hai us ne mukammal tabāh kar ke mujhe
Dara rahe hain ye manzar bhi ab to ghar ke mujhe
dikhai KHwab diye raat bhar khanDar ke mujhe
har ek ghazal mein main rozana chand Tankta hun
sitare chumte hain shab utar utar ke mujhe
ganwa di umr use nazm kar nahin paya
saliqe aate hain waise to har hunar ke mujhe
is ek shauq ne mujh ko miTa diya yaro
bas ek bar kabhi dekhna tha mar ke mujhe
kinare baiTh ke karta hun nazm ashkon ko
nadi sunati hai afsane chashm-e-tar ke mujhe
main ek adhuri si taswir tha udasi ki
kiya hai us ne mukammal tabah kar ke mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
