dararen baam-o-dar ki paDh rahe hain

darāreñ bām-o-dar kī paḌh rahe haiñ

kitābeñ apne ghar kī paḌh rahe haiñ

kahānī to safar kī paḌh rahe haiñ

haqīqat rahguzar kī paḌh rahe haiñ

laboñ par hai qasīda āsmāñ kā

ḳharāsheñ bāl-o-par kī paḌh rahe haiñ

bichhā kar apnā chehra aa.ine meñ

'ibārat us nazar kī paḌh rahe haiñ

koī din se fazāoñ meñ idhar kī

na.ī tahrīr udhar kī paḌh rahe haiñ

ġhubār-e-rāh meñ ham jaise-taise

nigāheñ rāhbar kī paḌh rahe haiñ

kitāb-e-dil ke ḳhālī hāshiye par

'ibārat apne sar kī paḌh rahe haiñ

hameñ kaisā maraz achchhā rahegā

nigāheñ chārāgar kī paḌh rahe haiñ

dararen baam-o-dar ki paDh rahe hain

kitaben apne ghar ki paDh rahe hain

kahani to safar ki paDh rahe hain

haqiqat rahguzar ki paDh rahe hain

labon par hai qasida aasman ka

KHarashen baal-o-par ki paDh rahe hain

bichha kar apna chehra aaine mein

'ibarat us nazar ki paDh rahe hain

koi din se fazaon mein idhar ki

nai tahrir udhar ki paDh rahe hain

ghubar-e-rah mein hum jaise-taise

nigahen rahbar ki paDh rahe hain

kitab-e-dil ke KHali hashiye par

'ibarat apne sar ki paDh rahe hain

hamein kaisa maraz achchha rahega

nigahen chaaragar ki paDh rahe hain