darāz itnā mirī qaid kā zamāna thā
ki vo chaman na rahā jis meñ āshiyāna thā
bahā.e ashk jo us ne ye ik bahāna thā
ki ḳhūñ-bahā ko mire ḳhaak meñ milānā thā
balā se jaan ga.ī intizār meñ merī
mujhe to aap kā ik va.ada āzmānā thā
jafā-e-charḳh zarūrī thī ishq se pahle
ki apne dil kā mujhe zor āzmānā thā
ab intizār tumhārā maiñ aur kyā kartā
huī thī der bahut mujh ko duur jaanā thā
jahāñ ham aaj ġharīb-ud-dayār haiñ 'nātiq'
usī dayār meñ apnā ġharīb-ḳhāna thā
daraaz itna meri qaid ka zamana tha
ki wo chaman na raha jis mein aashiyana tha
bahae ashk jo us ne ye ek bahana tha
ki KHun-baha ko mere KHak mein milana tha
bala se jaan gai intizar mein meri
mujhe to aap ka ek wada aazmana tha
jafa-e-charKH zaruri thi ishq se pahle
ki apne dil ka mujhe zor aazmana tha
ab intizar tumhaara main aur kya karta
hui thi der bahut mujh ko dur jaana tha
jahan hum aaj gharib-ud-dayar hain 'natiq'
usi dayar mein apna gharib-KHana tha
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
