dard-e-dil zaKHm-e-jigar par koi

dard-e-dil zaḳhm-e-jigar par koī

ik ġhazal aur suḳhanvar koī

chaap suntā huuñ musalsal dil meñ

saath mere hai barābar koī

koī dekhe to nihāre pahroñ

ruup hai yā ki samundar koī

jaise qatre meñ samā.e dariyā

aise simTā hai bikhar kar koī

saarī ḳhushbū thī parā.ī ḳhushbū

ham ko rakhtā thā mo'attar koī

ham ko karnī haiñ bahut sī bāteñ

paas baiThe to ghaḌī bhar koī

apnā paiġhām sunā le ḳhud ko

ab na aa.egā payambar koī

dard-e-dil zaKHm-e-jigar par koi

ek ghazal aur suKHanwar koi

chap sunta hun musalsal dil mein

sath mere hai barabar koi

koi dekhe to nihaare pahron

rup hai ya ki samundar koi

jaise qatre mein samae dariya

aise simTa hai bikhar kar koi

sari KHushbu thi parai KHushbu

hum ko rakhta tha mo'attar koi

hum ko karni hain bahut si baaten

pas baiThe to ghaDi bhar koi

apna paigham suna le KHud ko

ab na aaega payambar koi