dard-e-hayat-e-ishq hai naghma-e-jaan-gudaz mein

dard-e-hayāt-e-ishq hai naġhma-e-jāñ-gudāz meñ

ġharq hai saarī kā.enāt lazzat-e-soz-o-sāz meñ

shauq kā haal kyā huā dil kā ma.aal kyā huā

ek jahān-e-rāz hai dīda-e-dil-navāz meñ

kaif-e-ḳhud-āgahī bhī hai ālam-e-be-ḳhudī bhī hai

shauq-e-supurdagī bhī hai aaj nigāh-e-nāz meñ

pichhle pahar jo husn ke ruḳh se haTeñ ḳhunuk laTeñ

jaag uThā nayā fusūñ chashm-e-fusūñ-tarāz meñ

aah vo ālam-e-shabāb haa.e vo nashsha-e-sharāb

jhalkā huā vo rañg-e-ḳhvāb nargis-e-nīm-bāz meñ

dard-e-hayat-e-ishq hai naghma-e-jaan-gudaz mein

gharq hai sari kaenat lazzat-e-soz-o-saz mein

shauq ka haal kya hua dil ka maal kya hua

ek jahan-e-raaz hai dida-e-dil-nawaz mein

kaif-e-KHud-agahi bhi hai aalam-e-be-KHudi bhi hai

shauq-e-supurdagi bhi hai aaj nigah-e-naz mein

pichhle pahar jo husn ke ruKH se haTen KHunuk laTen

jag uTha naya fusun chashm-e-fusun-taraaz mein

aah wo aalam-e-shabab hae wo nashsha-e-sharab

jhalka hua wo rang-e-KHwab nargis-e-nim-baz mein