aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dard-e-musalsal se aahon mein paida wo tasir hui

Ajiz Matvi

dard-e-musalsal se aahon mein paida wo tasir hui

Ajiz Matvi

MORE BYAjiz Matvi

    dard-e-musalsal se aahoñ meñ paidā vo tāsīr huī

    aksar chāragaroñ hālat mujh se sivā gambhīr huī

    kyā jaane kyuuñ mujh se merī bargashta taqdīr huī

    mamlikat-e-aish aañkh jhapakte ġham jāgīr huī

    us ne mere shīsha-e-dil ko dekh ke kyuuñ muñh moḌ liyā

    shāyad is ā.īne meñ us ko zāhir koī lakīr huī

    jab bhī likkhā hāl-e-dil-e-muztar maiñ ne us ko raat ga.e

    tā-ba-sahar ashk-afshānī se zaa.e.a vo tahrīr huī

    baḌhtī jaatī hai dūrī-e-manzil jab se junūñ ne chhoḌā saath

    ab to ḳhirad har gaam par apne pairoñ zanjīr huī

    mujh ko atā karte vo yaqīnan merī talab se sivā lekin

    ḳhuddārī meñ haath na phailā sharm jo dāman-gīr huī

    kis ko ḳhabar hai un galī meñ kitne diloñ ḳhuun huā

    ra.anā.ī meñ un galī jab vādī-e-kashmīr huī

    un se karūñ iz.hār-e-tamannā sochā rakh kar uzr-e-junūñ

    lekin vo bhī raas na aayā lā-hāsil tadbīr huī

    Tap-Tap aañkh se aañsū Tapke 'ājiz' āh-e-sard ke saath

    mere sāmne nazr-e-ātish jab merī tasvīr huī

    dard-e-musalsal se aahon mein paida wo tasir hui

    aksar chaaragaron ki haalat mujh se siwa gambhir hui

    kya jaane kyun mujh se meri bargashta taqdir hui

    mamlikat-e-aish aankh jhapakte hi gham ki jagir hui

    us ne mere shisha-e-dil ko dekh ke kyun munh moD liya

    shayad is aaine mein us ko zahir koi lakir hui

    jab bhi likkha haal-e-dil-e-muztar main ne us ko raat gae

    ta-ba-sahar ashk-afshani se zaea wo tahrir hui

    baDhti jati hai duri-e-manzil jab se junun ne chhoDa sath

    ab to KHirad har gam par apne pairon ki zanjir hui

    mujh ko ata karte wo yaqinan meri talab se siwa lekin

    KHuddari mein hath na phaila sharm jo daman-gir hui

    kis ko KHabar hai un ki gali mein kitne dilon ka KHun hua

    ranai mein un ki gali jab wadi-e-kashmir hui

    un se karun izhaar-e-tamanna socha rakh kar uzr-e-junun

    lekin wo bhi ras na aaya la-hasil tadbir hui

    Tap-Tap aankh se aansu Tapke 'ajiz' aah-e-sard ke sath

    mere samne nazr-e-atish jab meri taswir hui

    Source:

    mahbas-e-gham (Pg. 99)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now