dard ho to dawa kare koi

dard ho to davā kare koī

maut hī ho to kyā kare koī

na satā.e koī unheñ shab-e-vasl

un kī bāteñ sunā kare koī

band hotā hai ab dar-e-tauba

dar-e-mai-ḳhāna vā kare koī

qabr meñ aa ke niiñd aa.ī hai

na uThā.e ḳhudā kare koī

thiiñ ye duniyā kī bāteñ duniyā tak

hashr meñ kyā gilā kare koī

na uThī jab jhukī jabīn-e-niyāz

kis tarah iltijā kare koī

bosa leñ ġhair deñ sazā ham ko

ham haiñ mujrim ḳhatā kare koī

bigḌe gesū to bole jhuñjhlā kar

na balā.eñ liyā kare koī

naza.a meñ kyā sitam kā mauqa hai

vaqt hai ab duā kare koī

hashr ke din kī raat ho ki na ho

apnā va.ada vafā kare koī

na satā.e koī kisī ko 'riyāz'

na sitam kā gilā kare koī

dard ho to dawa kare koi

maut hi ho to kya kare koi

na satae koi unhen shab-e-wasl

un ki baaten suna kare koi

band hota hai ab dar-e-tauba

dar-e-mai-KHana wa kare koi

qabr mein aa ke nind aai hai

na uThae KHuda kare koi

thin ye duniya ki baaten duniya tak

hashr mein kya gila kare koi

na uThi jab jhuki jabin-e-niyaz

kis tarah iltija kare koi

bosa len ghair den saza hum ko

hum hain mujrim KHata kare koi

bigDe gesu to bole jhunjhla kar

na balaen liya kare koi

naza mein kya sitam ka mauqa hai

waqt hai ab dua kare koi

hashr ke din ki raat ho ki na ho

apna wada wafa kare koi

na satae koi kisi ko 'riyaz'

na sitam ka gila kare koi