dard jita hun gunguna kar main
dard jiitā huuñ gungunā kar maiñ
muskurātā huuñ dukh chhupā kar maiñ
zindagī raat bhar pighaltī rahī
sub.h niklā huuñ phir nahā kar maiñ
apne saa.e pe thā yaqīñ mujh ko
gum huā tīrgī meñ jā kar maiñ
us kī yādeñ sameT kar saarī
aa gayā ḳhaak meñ dabā kar maiñ
us ko kaisā lagā ḳhudā jaane
ḳhush huuñ dil kī use batā kar maiñ
ye mulāqāt qīmtī hai bahut
is ko rakh luuñ kahīñ chhupā kar maiñ
ab bharosa nahīñ rahā ḳhud par
rakh rahā huuñ qadam jamā kar maiñ
pesh maqta' ġhazal kā hai 'hashmat'
baat kartā huuñ ḳhatm gā kar maiñ
dard jita hun gunguna kar main
muskuraata hun dukh chhupa kar main
zindagi raat bhar pighalti rahi
subh nikla hun phir naha kar main
apne sae pe tha yaqin mujh ko
gum hua tirgi mein ja kar main
us ki yaaden sameT kar sari
aa gaya KHak mein daba kar main
us ko kaisa laga KHuda jaane
KHush hun dil ki use bata kar main
ye mulaqat qimti hai bahut
is ko rakh lun kahin chhupa kar main
ab bharosa nahin raha KHud par
rakh raha hun qadam jama kar main
pesh maqta' ghazal ka hai 'hashmat'
baat karta hun KHatm ga kar main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
