درد کا گہرا سمندر اور میں
درد کا گہرا سمندر اور میں
زندگی کا سر پہ پتھر اور میں
اس طرف شیشے ہی شیشے اور وہ
اس طرف پتھر ہی پتھر اور میں
ہے یہی عہد جنوں کی یادگار
ایک کوچہ ایک پتھر اور میں
ٹوٹ جانے کو ہیں سب جام و سبو
ایک لغزش ایک ٹھوکر اور میں
بن گیا تاریخ کا خونیں ورق
پشت میں پیوست خنجر اور میں
یہ مثلث عہد کی تاریخ ہے
ایک قاتل ایک خنجر اور میں
یہ مثلث دیکھ کیا لاتا ہے رنگ
میرا سر میرا ہی پتھر اور میں
مأخذ:
موج گل (Pg. 73)
- مصنف: کوثر صدیقی
-
- ناشر: کوثر صدیقی
- سن اشاعت: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
