dariya-e-KHun se apne guzarne ka tajraba

dariyā-e-ḳhūñ se apne guzarne kā tajraba

hotā hai kaisā jiite jī marne kā tajraba

ham aadmī kī shakl meñ haivān hī rahe

bekār thā hamāre sañvarne kā tajraba

har lamha ḳhatm hotī huī zindagī meñ bhī

hotā nahīñ sabhī ko bikharne kā tajraba

tahrīk us kī diid se thī is badan meñ ḳhaas

ham ne kiyā hai jo na thā karne kā tajraba

sab nekiyāñ hamārī tahoñ meñ utar ga.iiñ

pūchho na ham se kyā hai utarne kā tajraba

dariya-e-KHun se apne guzarne ka tajraba

hota hai kaisa jite ji marne ka tajraba

hum aadmi ki shakl mein haiwan hi rahe

bekar tha hamare sanwarne ka tajraba

har lamha KHatm hoti hui zindagi mein bhi

hota nahin sabhi ko bikharne ka tajraba

tahrik us ki did se thi is badan mein KHas

hum ne kiya hai jo na tha karne ka tajraba

sab nekiyan hamari tahon mein utar gain

puchho na hum se kya hai utarne ka tajraba