dariya-e-tund-mauj ko sahra bataiye

dariyā-e-tund-mauj ko sahrā batā.iye

sīdhā bhī ho savāl to ulTā batā.iye

jaisā bhī hai vo sāmne sab ke hai kis liye

aisā batā.iye use vaisā batā.iye

kyuuñ chhoḌ kar gayā thā vo kyuuñ phir se aa gayā

aage batā bhī sakte the ab kyā batā.iye

mahfil kī raunaqeñ hoñ ki bāzār kā hujūm

ye dil jahāñ bhī ho ise tanhā batā.iye

yā qatl kījiye use apne hī naam par

yā ajnabī ko shahr kā rastā batā.iye

jis kī kabhī jhalak bhī na dekhī ho umr bhar

tū hī batā 'zafar' use kaisā batā.iye

dariya-e-tund-mauj ko sahra bataiye

sidha bhi ho sawal to ulTa bataiye

jaisa bhi hai wo samne sab ke hai kis liye

aisa bataiye use waisa bataiye

kyun chhoD kar gaya tha wo kyun phir se aa gaya

aage bata bhi sakte the ab kya bataiye

mahfil ki raunaqen hon ki bazar ka hujum

ye dil jahan bhi ho ise tanha bataiye

ya qatl kijiye use apne hi nam par

ya ajnabi ko shahr ka rasta bataiye

jis ki kabhi jhalak bhi na dekhi ho umr bhar

tu hi bata 'zafar' use kaisa bataiye