درون حلقۂ زنجیر ہوں میں
درون حلقۂ زنجیر ہوں میں
شکستہ خواب کی تعبیر ہوں میں
مجھے حیرت سے یوں وہ تک رہا ہے
کہ جیسے میں نہیں تصویر ہوں میں
مری باتیں تو زہریلی بہت ہیں
مگر تریاک کی تاثیر ہوں میں
میں زندہ ہوں حصار بے حسی میں
محبت کی نئی تفسیر ہوں میں
اک آئنہ بھی ہوں اور عکس بھی ہوں
کہ شہر سنگ کا رہ گیر ہوں میں
نماز شب کا سجدہ ہوں تصورؔ
اذان صبح کی تکبیر ہوں میں
مأخذ:
Seepiyon Ki Qaid men
- مصنف: Yaqoob Tasawwur
-
- ناشر: Yaqoob Tasawwur
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
