dasht-e-be-kar se nikal aaya

dasht-e-be-kār se nikal aayā

aadmī ġhaar se nikal aayā

mere andar se chīḳh kyā niklī

zaḳhm talvār se nikal aayā

dushmanoñ kī kamī se lagtā hai

halqa-e-yār se nikal aayā

ḳhāmushī kā javāz bhī ik din

dar-o-dīvār se nikal aayā

laash jūñhī mirī uThā.ī ga.ī

ḳhauf bāzār se nikal aayā

iiñT girne kī der thī 'maz.har'

'ishq dīvār se nikal aayā

dasht-e-be-kar se nikal aaya

aadmi ghaar se nikal aaya

mere andar se chiKH kya nikli

zaKHm talwar se nikal aaya

dushmanon ki kami se lagta hai

halqa-e-yar se nikal aaya

KHamushi ka jawaz bhi ek din

dar-o-diwar se nikal aaya

lash junhi meri uThai gai

KHauf bazar se nikal aaya

inT girne ki der thi 'mazhar'

'ishq diwar se nikal aaya