dasht-e-ghurbat mein agar sath tumhaara hota

dasht-e-ġhurbat meñ agar saath tumhārā hotā

kyuuñ na sadiyoñ kā safar ham ko gavārā hotā

apnī taz.īn se kuchh vaqt bachā kar jānāñ

mere māhaul kī zulfoñ ko sañvārā hotā

apne masnad se zarā nīche utar kar tū ne

ek lamha hī mire saath guzārā hotā

ruk na jaatā vo kisī koh-e-girāñ kī mānind

tū ne gar vaqt ke dariyā ko pukārā hotā

mere be-nūr darīchoñ meñ ziyā kī ḳhātir

koī jugnū koī sūraj koī taarā hotā

dasht-e-ghurbat mein agar sath tumhaara hota

kyun na sadiyon ka safar hum ko gawara hota

apni tazin se kuchh waqt bacha kar jaanan

mere mahaul ki zulfon ko sanwara hota

apne masnad se zara niche utar kar tu ne

ek lamha hi mere sath guzara hota

ruk na jata wo kisi koh-e-giran ki manind

tu ne gar waqt ke dariya ko pukara hota

mere be-nur darichon mein ziya ki KHatir

koi jugnu koi suraj koi tara hota