dast-e-ta’zir chumne wale

dast-e-tā’zīr chūmne vaale

ham haiñ zanjīr chūmne vaale

ye haqīqat-pasand thoḌī haiñ

terī tasvīr chūmne vaale

rah gayā khel shāhzādī kā

mar ga.e tiir chūmne vaale

yuuñ dikhāte haiñ husn qātil kā

nok-e-shamshīr chūmne vaale

tere ḳhat ko shifā samajhte haiñ

terī tahrīr chūmne vaale

sirf bāteñ hī kar sakā rāñjhā

le ga.e hiir chūmne vaale

kyoñ kareñ jur.at-e-shikāyat bhī

dast-e-taqdīr chūmne vaale

us ke māthe ko chūmte haiñ 'zarīm'

māh-e-tanvīr chūmne vaale

dast-e-ta’zir chumne wale

hum hain zanjir chumne wale

ye haqiqat-pasand thoDi hain

teri taswir chumne wale

rah gaya khel shahzadi ka

mar gae tir chumne wale

yun dikhate hain husn qatil ka

nok-e-shamshir chumne wale

tere KHat ko shifa samajhte hain

teri tahrir chumne wale

sirf baaten hi kar saka ranjha

le gae hir chumne wale

kyon karen jurat-e-shikayat bhi

dast-e-taqdir chumne wale

us ke mathe ko chumte hain 'zarim'

mah-e-tanwir chumne wale