دست تعزیر چومنے والے
دست تعزیر چومنے والے
ہم ہیں زنجیر چومنے والے
یہ حقیقت پسند تھوڑی ہیں
تیری تصویر چومنے والے
رہ گیا کھیل شاہزادی کا
مر گئے تیر چومنے والے
یوں دکھاتے ہیں حسن قاتل کا
نوک شمشیر چومنے والے
تیرے خط کو شفا سمجھتے ہیں
تیری تحریر چومنے والے
صرف باتیں ہی کر سکا رانجھا
لے گئے ہیر چومنے والے
کیوں کریں جرأت شکایت بھی
دست تقدیر چومنے والے
اس کے ماتھے کو چومتے ہیں ضریمؔ
ماہ تنویر چومنے والے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
