daulat-e-duniya kahan darkar hai

Ameer Chand Bahar

daulat-e-duniya kahan darkar hai

Ameer Chand Bahar

MORE BYAmeer Chand Bahar

    daulat-e-duniyā kahāñ darkār hai

    mujh ko terā āstāñ darkār hai

    aap ko bhī ik sahārā chāhiye

    mujh ko bhī ik ham-zabāñ darkār hai

    zindagī is kaḌaktī dhuup meñ

    sāya-e-sard-e-ravāñ darkār hai

    barq-o-bārāñ uḌaa.e jo mazāq

    aaj vo azm-e-javāñ darkār hai

    zindagī se hai ibārat ik jihād

    sher tāb-o-tavāñ darkār hai

    tīr-o-nashtar sher yuuñ bantā nahīñ

    ik dil-e-ātishīñ-fashāñ darkār hai

    chāhiye iqbāl fikr-e-rasā

    daaġh tab-e-ravāñ darkār hai

    ho tahārat 'hālī'-o-'mahrūm'

    'mīr'-o-'momin' zabāñ darkār hai

    sher se mahzūz hone ke liye

    lazzat-e-dard-e-nihāñ darkār hai

    ahl-e-mahfil ko tarannum chāhiye

    shā.irī un ko kahāñ darkār hai

    murshid-e-kāmil mujh ko hai talāsh

    majlis-e-rūhāniyāñ darkār hai

    ruuh ko jis se mile bālīdgī

    mujh ko vo pīr-e-muġhāñ darkār hai

    man saarā mail jis se duur ho

    vo sharāb-e-arġhavāñ darkār hai

    ham pe jo guzrī vo kahne ke liye

    husn-o-uslūb-e-bayāñ darkār hai

    zindagī raaz paane ke liye

    ham ko umr-e-jāvedāñ darkār hai

    mujh ko apne dostoñ se ai 'bahār'

    ik ḳhulūs-e-be-karāñ darkār hai

    daulat-e-duniya kahan darkar hai

    mujh ko tera aastan darkar hai

    aap ko bhi ek sahaara chahiye

    mujh ko bhi ek ham-zaban darkar hai

    zindagi ki is kaDakti dhup mein

    saya-e-sard-e-rawan darkar hai

    barq-o-baran ka uDae jo mazaq

    aaj wo azm-e-jawan darkar hai

    zindagi se hai ibarat ek jihad

    sher ki tab-o-tawan darkar hai

    tir-o-nashtar sher yun banta nahin

    ek dil-e-atishin-fashan darkar hai

    chahiye iqbaal ki fikr-e-rasa

    dagh ki tab-e-rawan darkar hai

    ho tahaarat 'haali'-o-'mahrum' ki

    'mir'-o-'momin' ki zaban darkar hai

    sher se mahzuz hone ke liye

    lazzat-e-dard-e-nihan darkar hai

    ahl-e-mahfil ko tarannum chahiye

    shairi un ko kahan darkar hai

    murshid-e-kaamil ki mujh ko hai talash

    majlis-e-ruhaniyan darkar hai

    ruh ko jis se mile baalidgi

    mujh ko wo pir-e-mughan darkar hai

    man ka sara mail jis se dur ho

    wo sharab-e-arghawan darkar hai

    hum pe jo guzri wo kahne ke liye

    husn-o-uslub-e-bayan darkar hai

    zindagi ka raaz pane ke liye

    hum ko umr-e-jawedan darkar hai

    mujh ko apne doston se ai 'bahaar'

    ek KHulus-e-be-karan darkar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY