daulat-e-husn mujh par luTa dijiye

daulat-e-husn mujh par luTā dījiye

apne chehre se parda uThā dījiye

mere saaqī ko yā to bulā dījiye

varna sāġhar hī apnā thamā dījiye

gungunā dījiye muskurā dījiye

apne hoñToñ ko zahmat zarā dījiye

ahl-e-duniyā ko manzar dikhā dījiye

un abābīloñ ko phir bulā dījiye

ham ġharīboñ ko itnā batā dījiye

kaun muḳhlis yahāñ hai pata dījiye

aap munsif haiñ jo bhī sazā dījiye

jurm pahle to merā batā dījiye

laġhzishoñ ne hai pāmāl mujh ko kiyā

mere maulā mujhe hausla dījiye

kal isī jurm par aap ne dī sazā

dushman-e-dīn ko phir sazā dījiye

chaar qatroñ se saaqī bhalā hogā kyā

dījiye dījiye aur zarā dījiye

apne hāthoñ pe likh kar mirā naam vo

mujh se kahte haiñ 'ahras' miTā dījiye

daulat-e-husn mujh par luTa dijiye

apne chehre se parda uTha dijiye

mere saqi ko ya to bula dijiye

warna saghar hi apna thama dijiye

gunguna dijiye muskura dijiye

apne honTon ko zahmat zara dijiye

ahl-e-duniya ko manzar dikha dijiye

un ababilon ko phir bula dijiye

hum gharibon ko itna bata dijiye

kaun muKHlis yahan hai pata dijiye

aap munsif hain jo bhi saza dijiye

jurm pahle to mera bata dijiye

laghzishon ne hai pamal mujh ko kiya

mere maula mujhe hausla dijiye

kal isi jurm par aap ne di saza

dushman-e-din ko phir saza dijiye

chaar qatron se saqi bhala hoga kya

dijiye dijiye aur zara dijiye

apne hathon pe likh kar mera nam wo

mujh se kahte hain 'ahras' miTa dijiye