daulat ke aur honge talabgar dosto

daulat ke aur hoñge talabgār dosto

ham haiñ matā'-e-ġham ke ḳharīdār dosto

kuchh ḳhaas dostoñ kī muhim rā.egāñ ga.ī

zinda hai aaj bhī mirā kirdār dosto

nā-qadrī-e-hayāt kā kis se gila kareñ

yūsuf bike haiñ bar-sar-e-bāzār dosto

zindāñ meñ ham se sāhab-e-zindāñ na ā.eñge

ro.eñge muddatoñ dar-o-dīvār dosto

us ko nasīm-e-sub.h ke jhoñkoñ se kyā ġharaz

jis ke nasīb meñ hai shab-e-tār dosto

dasht-e-balā meñ sāya-e-gesū bhī chāhiye

kaafī nahīñ hai sāya-e-ashjār dosto

chalnā rah-e-vafā pe koī jurm to na thā

tum kyoñ hue 'aqīl' se bezār dosto

daulat ke aur honge talabgar dosto

hum hain mata'-e-gham ke KHaridar dosto

kuchh KHas doston ki muhim raegan gai

zinda hai aaj bhi mera kirdar dosto

na-qadri-e-hayat ka kis se gila karen

yusuf bike hain bar-sar-e-bazar dosto

zindan mein hum se sahab-e-zindan na aaenge

roenge muddaton dar-o-diwar dosto

us ko nasim-e-subh ke jhonkon se kya gharaz

jis ke nasib mein hai shab-e-tar dosto

dasht-e-bala mein saya-e-gesu bhi chahiye

kafi nahin hai saya-e-ashjar dosto

chalna rah-e-wafa pe koi jurm to na tha

tum kyon hue 'aqil' se bezar dosto