dayar-e-jism se sahra-e-jaan tak

dayār-e-jism se sahrā-e-jāñ tak

uḌuuñ maiñ ḳhaak sā āḳhir kahāñ tak

kuchh aisā ham ko karnā chāhiye ab

utar aa.e zamīñ par āsmāñ tak

bahut kam fāsla ab rah gayā hai

biphartī āñdhiyoñ se bādbāñ tak

mayassar aag hai gul kī na bijlī

añdhere meñ paḌe haiñ āshiyāñ tak

ye jangal hai nihāyat hī pur-asrār

qadam rakhtī nahīñ is meñ ḳhizāñ tak

vahīñ tak kyuuñ rasā.ī hai hamārī

nuqūsh-e-pā zamīñ par haiñ jahāñ tak

nikal aao hisār-e-ḳhāmushī se

jo dil meñ hai vo laao bhī zabāñ tak

yahāñ shaitāñ pa hai ik larza taarī

nahīñ uThtā charāġhoñ se dhuāñ tak

dayar-e-jism se sahra-e-jaan tak

uDun main KHak sa aaKHir kahan tak

kuchh aisa hum ko karna chahiye ab

utar aae zamin par aasman tak

bahut kam fasla ab rah gaya hai

bipharti aandhiyon se baadban tak

mayassar aag hai gul ki na bijli

andhere mein paDe hain aashiyan tak

ye jangal hai nihayat hi pur-asrar

qadam rakhti nahin is mein KHizan tak

wahin tak kyun rasai hai hamari

nuqush-e-pa zamin par hain jahan tak

nikal aao hisar-e-KHamushi se

jo dil mein hai wo lao bhi zaban tak

yahan shaitan pa hai ek larza tari

nahin uThta charaghon se dhuan tak