dayar-e-shauq mein aae the ek KHwab ke sath

Zaeem Rasheed

dayar-e-shauq mein aae the ek KHwab ke sath

Zaeem Rasheed

MORE BYZaeem Rasheed

    dayār-e-shauq meñ aa.e the ek ḳhvāb ke saath

    guzar rahī hai musalsal kisī azaab ke saath

    ham ahl-e-dard pukāre ga.e sahīfoñ meñ

    ham ahl-e-ishq utāre ga.e kitāb ke saath

    phir ek shaam pazīrā.ī chashm-e-tar huī

    phir ek shaam guzārī ga.ī janāb ke saath

    hameñ ye ḳhauf añdhere nigal na jaa.eñ kahīñ

    so ham ne jism ko Dhāñpā hai āftāb ke saath

    mukālima rahā jaarī hamārī āñkhoñ

    badan shāḳh pe khilte hue gulāb ke saath

    kuchh aur chāhiye tishna-labī miTāne ko

    ye pyaas vo hai jo bujhtī nahīñ sharāb ke saath

    'za.īm' vo mirī dariyā-dilī se Dartā hai

    vo mujh se miltā hai lekin baḌe hisāb ke saath

    dayar-e-shauq mein aae the ek KHwab ke sath

    guzar rahi hai musalsal kisi azab ke sath

    hum ahl-e-dard pukare gae sahifon mein

    hum ahl-e-ishq utare gae kitab ke sath

    phir ek sham pazirai chashm-e-tar ki hui

    phir ek sham guzari gai janab ke sath

    hamein ye KHauf andhere nigal na jaen kahin

    so hum ne jism ko Dhanpa hai aaftab ke sath

    mukalima raha jari hamari aankhon ka

    badan ki shaKH pe khilte hue gulab ke sath

    kuchh aur chahiye tishna-labi miTane ko

    ye pyas wo hai jo bujhti nahin sharab ke sath

    'zaim' wo meri dariya-dili se Darta hai

    wo mujh se milta hai lekin baDe hisab ke sath

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY