dekh le KHak hai kase mein ki zar hai sain

dekh le ḳhaak hai kaase meñ ki zar hai sā.īñ

dast-e-dādār baḌā sho’bda-gar hai sā.īñ

tū mujhe us ke ḳham-o-pech batātā kyā hai

kū-e-qātil to mirī rāhguzar hai sā.īñ

shahr-o-sahrā to haiñ insānoñ ke rakkhe hue naam

ghar vahīñ hai dil-e-dīvāna jidhar hai sā.īñ

paañv kī fikr na kar bār-e-kam-o-besh utaar

asl zanjīr to sāmān-e-safar hai sā.īñ

shā'irī kaun karāmat hai magar kyā kiije

dard hai dil meñ so lafzoñ meñ asar hai sā.īñ

'ishq meñ kahte haiñ farhād ne kaaTā thā pahāḌ

ham ne din kaaT diye ye bhī hunar hai sā.īñ

dekh le KHak hai kase mein ki zar hai sain

dast-e-dadar baDa sho’bda-gar hai sain

tu mujhe us ke KHam-o-pech batata kya hai

ku-e-qatil to meri rahguzar hai sain

shahr-o-sahra to hain insanon ke rakkhe hue nam

ghar wahin hai dil-e-diwana jidhar hai sain

panw ki fikr na kar bar-e-kam-o-besh utar

asl zanjir to saman-e-safar hai sain

sha'iri kaun karamat hai magar kya kije

dard hai dil mein so lafzon mein asar hai sain

'ishq mein kahte hain farhad ne kaTa tha pahaD

hum ne din kaT diye ye bhi hunar hai sain