دیکھ لے مجھ کو تو دیوار سے سٹ جاتی ہے

دیکھ لے مجھ کو تو دیوار سے سٹ جاتی ہے

وہ پری شرم کی چادر سے لپٹ جاتی ہے

عشق بکھرا تو جفا اشک غم و ہجر بنا

دھوپ ٹوٹے تو کئی رنگ میں بنٹ جاتی ہے

تیسرا آیا محبت کے گنت میں جب بھی

دو کی سنکھیا بھی یہاں تین سے کٹ جاتی ہے

حسن ایسا کہ پھسلتی ہیں نگاہیں سب کی

ایسا رستا ہے کہ ہر کار پلٹ جاتی ہے

ایک تو ہے کہ کتابوں میں نہیں آ پایا

ایک دنیا ہے کہ مصرعے میں سمٹ جاتی ہے

دوستوں نے یہی کہہ کہہ کے پلائی مجھ کو

ایک سگریٹ سے کہاں زندگی گھٹ جاتی ہے