dekh lete hain ab us baam ko aate jate

dekh lete haiñ ab us baam ko aate jaate

ye bhī āzār chalā jā.egā jaate jaate

dil ke sab naqsh the hāthoñ kī lakīroñ jaise

naqsh-e-pā hote to mumkin thā miTāte jaate

thī kabhī raah jo ham-rāh guzarne vaalī

ab hazar hotā hai us raah se aate jaate

shahr-e-be-mehr! kabhī ham ko bhī mohlat detā

ik diyā ham bhī kisī ruḳh se jalāte jaate

pāra-e-abr-e-gurezāñ the ki mausam apne

duur bhī rahte magar paas bhī aate jaate

har ghaḌī ek judā ġham hai judā.ī us kī

ġham kī mī.ād bhī vo le gayā jaate jaate

us ke kūche meñ bhī ho, raah se be-rāh 'nasīr'

itne aa.e the to āvāz lagāte jaate

dekh lete hain ab us baam ko aate jate

ye bhi aazar chala jaega jate jate

dil ke sab naqsh the hathon ki lakiron jaise

naqsh-e-pa hote to mumkin tha miTate jate

thi kabhi rah jo ham-rah guzarne wali

ab hazar hota hai us rah se aate jate

shahr-e-be-mehr! kabhi hum ko bhi mohlat deta

ek diya hum bhi kisi ruKH se jalate jate

para-e-abr-e-gurezan the ki mausam apne

dur bhi rahte magar pas bhi aate jate

har ghaDi ek juda gham hai judai us ki

gham ki miad bhi wo le gaya jate jate

us ke kuche mein bhi ho, rah se be-rah 'nasir'

itne aae the to aawaz lagate jate