dekh lo shauq-e-na-tamam mera

Momin Khan Momin

dekh lo shauq-e-na-tamam mera

Momin Khan Momin

MORE BYMomin Khan Momin

    dekh lo shauq-e-nā-tamām mirā

    ġhair le jaa.e hai payām mirā

    be-asar hai fuġhān-e-ḳhūn-ālūd

    kyuuñ na ho.e ḳharāb kaam mirā

    ātishīñ ḳhū se ārzū-e-visāl

    pak gayā ab ḳhayāl-e-ḳhām mirā

    dekhnā kasrat-e-balā-noshī

    kāsa-e-āsmā۔n hai jaam mirā

    rutba uftādgī dekho hai

    arsh ke bhī pare maqām mirā

    kis sanam ko chhuḌā diyā vaa.iz

    le ḳhudā tujh se intiqām mirā

    ho ke yūsuf jo dil churāte ho

    kaun ho jā.egā ġhulām mirā

    us lab-e-lāl shikāyat hai

    kyūñki rañgīñ na ho kalām mirā

    ne rusvā kyā mujhe ab tak

    koī bhī jāntā thā naam mirā

    zānū-e-but pe jaan dekhā

    'momin' anjām-o-iḳhtitām mirā

    bandagī kaam aa rahī āḳhir

    maiñ na kahtā thā kyuuñ salām mirā

    dekh lo shauq-e-na-tamam mera

    ghair le jae hai payam mera

    be-asar hai fughan-e-KHun-alud

    kyun na hoe KHarab kaam mera

    aatishin KHu se aarzu-e-visal

    pak gaya ab KHayal-e-KHam mera

    dekhna kasrat-e-bala-noshi

    kasa-e-asma۔n hai jam mera

    rutba uftadgi ka dekho hai

    arsh ke bhi pare maqam mera

    kis sanam ko chhuDa diya waiz

    le KHuda tujh se intiqam mera

    ho ke yusuf jo dil churaate ho

    kaun ho jaega ghulam mera

    us lab-e-lal ki shikayat hai

    kyunki rangin na ho kalam mera

    tu ne ruswa kya mujhe ab tak

    koi bhi jaanta tha nam mera

    zanu-e-but pe jaan di dekha

    'momin' anjam-o-iKHtitam mera

    bandagi kaam aa rahi aaKHir

    main na kahta tha kyun salam mera

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY