دیکھ موہن تری کمر کی طرف
پھر گیا مانی اپنے گھر کی طرف
جن نے دیکھے ترے لب شیریں
نظر اس کی نہیں شکر کی طرف
ہے محال ان کا دام میں آنا
دل ہے مائل بتاں کا زر کی طرف
تیرے رخسار کی صفائی دیکھ
چشم دانا کی نئیں گہر کی طرف
ہیں خوشامد طلب سب اہل دول
غور کرتے نئیں ہنر کی طرف
ماہ رو نے سفر کیا ہے جدھر
دل مرا ہے اسی نگر کی طرف
حشر میں پاکباز ہے ناجیؔ
بدعمل جائیں گے سقر کی طرف
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.