dekha tha jo bhi KHwab mein ab kya hai kuchh nahin

dekhā thā jo bhī ḳhvāb meñ ab kyā hai kuchh nahīñ

is husn aur shabāb meñ ab kyā hai kuchh nahīñ

mere liye to jaise vo kāġhaz kā phuul thā

us ḳhushnumā gulāb meñ ab kyā hai kuchh nahīñ

ab haiñ kitāb-e-zīst ke aurāq muntashir

is ke har ek baab meñ ab kyā hai kuchh nahīñ

mujh ko dikhā rahā thā abhī tak vo sabz baaġh

hai zindagī azaab meñ ab kyā hai kuchh nahīñ

ḳhush-fahmī ke shikār the va.ade pe jis ke sab

kyā kyā milā hisāb meñ ab kyā hai kuchh nahīñ

jo kuchh bachā ke rakkhā thā ā.inda ke liye

sab mil gayā vo aab meñ ab kyā hai kuchh nahīñ

merā savāl us ke liye lā-javāb thā

jo kuchh milā javāb meñ ab kyā hai kuchh nahīñ

kal tak samajh rahā thā jise jān-e-ārzū

is husn-e-intiḳhāb meñ ab kyā hai kuchh nahīñ

raushan thī jin se sham-e-shabistān-e-zindagī

yādoñ ke is sarāb meñ ab kyā hai kuchh nahīñ

jo lutf us kī nuqra.ī āvāz meñ milā

is chañg aur rabāb meñ ab kyā hai kuchh nahīñ

'barqī' thā jis kā rū-e-hasīñ misl-e-māhtāb

us rashk-e-māhtāb meñ ab kyā hai kuchh nahīñ

dekha tha jo bhi KHwab mein ab kya hai kuchh nahin

is husn aur shabab mein ab kya hai kuchh nahin

mere liye to jaise wo kaghaz ka phul tha

us KHushnuma gulab mein ab kya hai kuchh nahin

ab hain kitab-e-zist ke auraq muntashir

is ke har ek bab mein ab kya hai kuchh nahin

mujh ko dikha raha tha abhi tak wo sabz bagh

hai zindagi azab mein ab kya hai kuchh nahin

KHush-fahmi ke shikar the wade pe jis ke sab

kya kya mila hisab mein ab kya hai kuchh nahin

jo kuchh bacha ke rakkha tha aainda ke liye

sab mil gaya wo aab mein ab kya hai kuchh nahin

mera sawal us ke liye la-jawab tha

jo kuchh mila jawab mein ab kya hai kuchh nahin

kal tak samajh raha tha jise jaan-e-arzu

is husn-e-intiKHab mein ab kya hai kuchh nahin

raushan thi jin se sham-e-shabistan-e-zindagi

yaadon ke is sarab mein ab kya hai kuchh nahin

jo lutf us ki nuqrai aawaz mein mila

is chang aur rabab mein ab kya hai kuchh nahin

'barqi' tha jis ka ru-e-hasin misl-e-mahtab

us rashk-e-mahtab mein ab kya hai kuchh nahin