dekho mujhe bhi yaron KHushbu se main bana hun

dekho mujhe bhī yāroñ ḳhushbū se maiñ banā huuñ

maiñ jab bhī boltā huuñ urdu hī boltā huuñ

pardesiyoñ kā ġham bhī pardesī jānte haiñ

barsoñ kī ranjishoñ ko ik maiñ hī jāntā huuñ

chāhat vatan kī hai phir īmān bhī hai merā

hindostāñ kī miTTī meñ marnā chāhtā huuñ

parkhā sabhī ko maiñ ne koī nahīñ hai merā

ġhairoñ kī chhoḌo maiñ to apnoñ meñ baT chukā huuñ

dhūpoñ kī tez lau meñ jaltā rahā huuñ pal pal

bādal bhī mere haq meñ barse ye chāhtā huuñ

ḳhāmoshī ko tū merī kamzorī mat samajhnā

tūfān se akelā maiñ laḌnā jāntā huuñ

dekho mujhe bhi yaron KHushbu se main bana hun

main jab bhi bolta hun urdu hi bolta hun

pardesiyon ka gham bhi pardesi jaante hain

barson ki ranjishon ko ek main hi jaanta hun

chahat watan ki hai phir iman bhi hai mera

hindostan ki miTTi mein marna chahta hun

parkha sabhi ko main ne koi nahin hai mera

ghairon ki chhoDo main to apnon mein baT chuka hun

dhupon ki tez lau mein jalta raha hun pal pal

baadal bhi mere haq mein barse ye chahta hun

KHamoshi ko tu meri kamzori mat samajhna

tufan se akela main laDna jaanta hun