dekho usne qadam qadam par sath diya begane ka

dekho us ne qadam qadam par saath diyā begāne kā

'aḳhtar' jis ne ahd kiyā thā tum se saath nibhāne kā

aaj hamāre qadmoñ meñ hai kāhkashāñ shahr-e-mahtāb

kal tak log kahā karte the ḳhvāb use dīvāne kā

tere lab-o-ruḳhsār ke qisse tere qad-o-gesū kī baat

sāmāñ ham bhī rakhte haiñ tanhā.ī meñ dil bahlāne kā

tum bhī sunte to ro dete ham bhī kahte to rote

jaan ke ham ne chhoḌ diyā hai ik hissa afsāne kā

kuchh to hai jo apnāyā hai ham ne kū-e-malāmat ko

vaise aur tarīqa bhī thā 'aḳhtar' dil bahlāne kā

dekho us ne qadam qadam par sath diya begane ka

'aKHtar' jis ne ahd kiya tha tum se sath nibhane ka

aaj hamare qadmon mein hai kahkashan shahr-e-mahtab

kal tak log kaha karte the KHwab use diwane ka

tere lab-o-ruKHsar ke qisse tere qad-o-gesu ki baat

saman hum bhi rakhte hain tanhai mein dil bahlane ka

tum bhi sunte to ro dete hum bhi kahte to rote

jaan ke hum ne chhoD diya hai ek hissa afsane ka

kuchh to hai jo apnaya hai hum ne ku-e-malamat ko

waise aur tariqa bhi tha 'aKHtar' dil bahlane ka