dete hain jam-e-shahadat mujhe malum na tha

Firaq Gorakhpuri

dete hain jam-e-shahadat mujhe malum na tha

Firaq Gorakhpuri

MORE BYFiraq Gorakhpuri

    dete haiñ jām-e-shahādat mujhe ma.alūm na thā

    hai ye ā.īn-e-mohabbat mujhe ma.alūm na thā

    matlab-e-chashm-e-muravvat mujhe ma.alūm na thā

    tujh ko mujh se thī shikāyat mujhe ma.alūm na thā

    chashm-e-ḳhāmosh bābat mujhe ma.alūm na thā

    ye bhī hai harf-o-hikāyat mujhe ma.alūm na thā

    ishq bas meñ hai mashiyyat ke aqīda thā mirā

    us ke bas meñ hai mashiyyat mujhe ma.alūm na thā

    haft-ḳhvāñ jis ne kiye tai sar-e-rāh-e-taslīm

    TuuT jaatī hai vo himmat mujhe ma.alūm na thā

    aaj har qatra-e-mai ban gayā ik chiñgārī

    thī ye saaqī sharārat mujhe ma.alūm na thā

    nigah-e-mast ne talvār uThā sar-e-bazm

    yuuñ badal jaatī hai niyyat mujhe ma.alūm na thā

    ġham-e-hastī se jo bezār rahā maiñ ik umr

    tujh se bhī thī use nisbat mujhe ma.alūm na thā

    ishq bhī ahl-e-tarīqat meñ hai aisā thā ḳhayāl

    ishq hai pīr-e-tarīqat mujhe ma.alūm na thā

    pūchh mat sharh-e-karam-hā-e-azīzāñ hamdam

    un meñ itnī thī sharāfat mujhe ma.alūm na thā

    jab se dekhā hai tujhe mujh se hai merī an-ban

    husn rañg-e-siyāsat mujhe ma.alūm na thā

    shakl insān ho chaal bhī insān ho

    yuuñ bhī aatī hai qayāmat mujhe ma.alūm na thā

    sar-e-māmūra-e-ālam ye dil-e-ḳhāna-ḳharāb

    miT gayā terī badaulat mujhe ma.alūm na thā

    parda-e-arz-e-vafā meñ bhī rahā huuñ kartā

    tujh se maiñ apnī ġhībat mujhe ma.alūm na thā

    naqd-e-jāñ kyā hai zamāne meñ mohabbat hamdam

    nahīñ miltī kisī qīmat mujhe ma.alūm na thā

    ho gayā aaj rafīqoñ se gale mil ke judā

    apnā ḳhud ishq-e-sadāqat mujhe ma.alūm na thā

    dard dil kyā hai khulā aaj tire laḌne par

    tujh se itnī thī mohabbat mujhe ma.alūm na thā

    dam nikal jaa.e magar dil na lagā.e koī

    ishq ye thī vasiyyat mujhe ma.alūm na thā

    husn vāloñ ko bahut sahal samajh rakkhā thā

    tujh pe aa.egī tabī.at mujhe ma.alūm na thā

    kitnī ḳhallāq hai ye nīstī-e-ishq 'firāq'

    us se hastī hai ibārat mujhe ma.alūm na thā

    dete hain jam-e-shahadat mujhe malum na tha

    hai ye aain-e-mohabbat mujhe malum na tha

    matlab-e-chashm-e-murawwat mujhe malum na tha

    tujh ko mujh se thi shikayat mujhe malum na tha

    chashm-e-KHamosh ki babat mujhe malum na tha

    ye bhi hai harf-o-hikayat mujhe malum na tha

    ishq bas mein hai mashiyyat ke aqida tha mera

    us ke bas mein hai mashiyyat mujhe malum na tha

    haft-KHwan jis ne kiye tai sar-e-rah-e-taslim

    TuT jati hai wo himmat mujhe malum na tha

    aaj har qatra-e-mai ban gaya ek chingari

    thi ye saqi ki shararat mujhe malum na tha

    nigah-e-mast ne talwar uTha li sar-e-bazm

    yun badal jati hai niyyat mujhe malum na tha

    gham-e-hasti se jo bezar raha main ek umr

    tujh se bhi thi use nisbat mujhe malum na tha

    ishq bhi ahl-e-tariqat mein hai aisa tha KHayal

    ishq hai pir-e-tariqat mujhe malum na tha

    puchh mat sharh-e-karam-ha-e-azizan hamdam

    un mein itni thi sharafat mujhe malum na tha

    jab se dekha hai tujhe mujh se hai meri an-ban

    husn ka rang-e-siyasat mujhe malum na tha

    shakl insan ki ho chaal bhi insan ki ho

    yun bhi aati hai qayamat mujhe malum na tha

    sar-e-mamura-e-alam ye dil-e-KHana-KHarab

    miT gaya teri badaulat mujhe malum na tha

    parda-e-arz-e-wafa mein bhi raha hun karta

    tujh se main apni hi ghibat mujhe malum na tha

    naqd-e-jaan kya hai zamane mein mohabbat hamdam

    nahin milti kisi qimat mujhe malum na tha

    ho gaya aaj rafiqon se gale mil ke juda

    apna KHud ishq-e-sadaqat mujhe malum na tha

    dard dil kya hai khula aaj tere laDne par

    tujh se itni thi mohabbat mujhe malum na tha

    dam nikal jae magar dil na lagae koi

    ishq ki ye thi wasiyyat mujhe malum na tha

    husn walon ko bahut sahal samajh rakkha tha

    tujh pe aaegi tabiat mujhe malum na tha

    kitni KHallaq hai ye nisti-e-ishq 'firaq'

    us se hasti hai ibarat mujhe malum na tha

    Source :
    • Book : Gul-e-Naghma (Pg. 20)
    • Author : Firaq Gorakhpuri
    • Publication : Idarah idarah ilm-o-adab, Delhi (2006)
    • Edition : 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY