Dheh gae ret ke ghar phir se banaen aao

Dheh ga.e ret ke ghar phir se banā.eñ aao

dil meñ ta.amīr kā ehsās jagā.eñ aao

ham bhī dīvāroñ pe chaḌhtī huī beloñ kī tarah

āsmānoñ kī taraf haath baḌhā.eñ aao

jaise ākāsh ko tāroñ ne sajā rakkhā hai

ham bhī dhartī ko isī tarah sajā.eñ aao

ham ko in hāthoñ se likhnā hai muqaddar apnā

in kī be-jān lakīroñ pe na jaa.eñ aao

raushnī kam hai abhī apnā lahū de de ke

sham.a-e-īsār kī lau aur baḌhā.eñ aao

gā rahā hai jo mohabbat kā tarāna 'ashfāq'

us kī āvāz meñ āvāz milā.eñ aao

Dheh gae ret ke ghar phir se banaen aao

dil mein tamir ka ehsas jagaen aao

hum bhi diwaron pe chaDhti hui belon ki tarah

aasmanon ki taraf hath baDhaen aao

jaise aakash ko taron ne saja rakkha hai

hum bhi dharti ko isi tarah sajaen aao

hum ko in hathon se likhna hai muqaddar apna

in ki be-jaan lakiron pe na jaen aao

raushni kam hai abhi apna lahu de de ke

shama-e-isar ki lau aur baDhaen aao

ga raha hai jo mohabbat ka tarana 'ashfaq'

us ki aawaz mein aawaz milaen aao