dho gai chehron se gard yas ka ghaza hawa

dho ga.ī chehroñ se gard yaas kā ġhāza havā

kar ga.ī afsurda rūhoñ ko tar-o-tāza havā

laakh baiThūñ chhup kar apne band kamroñ meñ magar

toḌ kar aa jā.egī ek ek darvāza havā

sub.h āñchal kī havā de kar khilātī hai jise

shab ko bikhrātī hai ḳhud us gil kā shīrāza havā

bhar chale the zaḳhm jo phir se lage muñh kholne

kuchh purāne dard le kar aa.ī hai taaza havā

jī tarastā hai phir un lamhoñ ko jab yakjā the sab

raqs-e-mai bū-e-saman rañg-e-shafaq taaza havā

ham to apnī ḳhāna-vīrānī kā mātam kar chuke

dekh kar jā kar ab tū koī aur darvāza havā

vo latāfat vo mahak kyuuñ 'chāñd' yaksar kho ga.ī

bhar rahī hai kin ḳhatāoñ kā ye ḳhamyāza havā

dho gai chehron se gard yas ka ghaza hawa

kar gai afsurda ruhon ko tar-o-taza hawa

lakh baiThun chhup kar apne band kamron mein magar

toD kar aa jaegi ek ek darwaza hawa

subh aanchal ki hawa de kar khilati hai jise

shab ko bikhraati hai KHud us gil ka shiraaza hawa

bhar chale the zaKHm jo phir se lage munh kholne

kuchh purane dard le kar aai hai taza hawa

ji tarasta hai phir un lamhon ko jab yakja the sab

raqs-e-mai bu-e-saman rang-e-shafaq taza hawa

hum to apni KHana-virani ka matam kar chuke

dekh kar ja kar ab tu koi aur darwaza hawa

wo latafat wo mahak kyun 'chand' yaksar kho gai

bhar rahi hai kin KHataon ka ye KHamyaza hawa