DhunD leti hain koi mahtab sa manzar kahin

DhūñD letī haiñ koī mahtāb sā manzar kahīñ

jāgtī rahtī haiñ āñkheñ ḳhvāb ke andar kahīñ

Daal lete haiñ bhalā zanjīr-e-ishrat paañv meñ

taan kar chalte haiñ sar par dard kī chādar kahīñ

is ḳhayāl-e-nāz meñ hotā hai shab bhar jāgnā

ek kaif-e-hijr meñ hogā mirā bistar kahīñ

dil ke andar chupke chupke jāgtī hai be-kalī

shor kartī haiñ havā.eñ jism ke bāhar kahīñ

aañkh meñ bedāriyoñ kī dhuul girtī jā.egī

āsmāñ sar par uThā.eñge mah-o-aḳhtar kahīñ

har sadā-e-naġhma hai āvāza-e-mahshar mujhe

dil laraztā hai badal jaa.e na ye manzar kahīñ

DhunD leti hain koi mahtab sa manzar kahin

jagti rahti hain aankhen KHwab ke andar kahin

Dal lete hain bhala zanjir-e-ishrat panw mein

tan kar chalte hain sar par dard ki chadar kahin

is KHayal-e-naz mein hota hai shab bhar jagna

ek kaif-e-hijr mein hoga mera bistar kahin

dil ke andar chupke chupke jagti hai be-kali

shor karti hain hawaen jism ke bahar kahin

aankh mein bedariyon ki dhul girti jaegi

aasman sar par uThaenge mah-o-aKHtar kahin

har sada-e-naghma hai aawaza-e-mahshar mujhe

dil larazta hai badal jae na ye manzar kahin