DhunDhta hun roz-o-shab kaun se jahan mein hai
DhūñDhtā huuñ roz-o-shab kaun se jahāñ meñ hai
ik makāñ ki raushan sā bastī-e-gumāñ meñ hai
sust-rau musāfir kī qismatoñ pe kyā ronā
tez chalne vaalā bhī dasht-e-be-amāñ meñ hai
ḳhush bahut na ho sun kar sāhiloñ kā āvāza
ik fasīl paanī kī aur darmiyāñ meñ hai
lauTne nahīñ detā ye tilism rastoñ kā
jāntā huuñ maiñ varna sukh bahut makāñ meñ hai
raaz kuchh nahīñ khultā is ajab nagar kā yaañ
suud meñ na thā din bhī raat bhī ziyāñ meñ hai
dekhtā nahīñ hai kyā saat āsmāñ vaalā
kaun dhuup ke andar kaun sā.ebāñ meñ hai
DhunDhta hun roz-o-shab kaun se jahan mein hai
ek makan ki raushan sa basti-e-guman mein hai
sust-rau musafir ki qismaton pe kya rona
tez chalne wala bhi dasht-e-be-aman mein hai
KHush bahut na ho sun kar sahilon ka aawaza
ek fasil pani ki aur darmiyan mein hai
lauTne nahin deta ye tilism raston ka
jaanta hun main warna sukh bahut makan mein hai
raaz kuchh nahin khulta is ajab nagar ka yan
sud mein na tha din bhi raat bhi ziyan mein hai
dekhta nahin hai kya sat aasman wala
kaun dhup ke andar kaun saeban mein hai
Source:
siip (Magzin) (Pg. 260)
- Author: Nasiim Durraani
-
- Edition: 39 (Quarterly)
- Publisher: Fikr-e-Nau
- Year of Publication: 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
