dhup ho gae sae jal gae shajar jaise

Anwar Anjum

dhup ho gae sae jal gae shajar jaise

Anwar Anjum

MORE BYAnwar Anjum

    dhuup ho ga.e saa.e jal ga.e shajar jaise

    jam ga.ī hai dhartī par ab ke dopahar jaise

    ziist ke ḳharābe meñ ik siyāh ghar dil

    aur dil meñ yaad us raushnī dar jaise

    kaise kaise hañgāme ghere rakhte the din-rāt

    lag ga.ī nigāhoñ ko apnī nazar jaise

    to aane se pahle ghar pūchhte ahvāl

    aa ga.e to ab kiije ho guzar-basar jaise

    aise taktā rahtā huuñ us galī ke logoñ ko

    lene aa.egā koī merī bhī ḳhabar jaise

    muddatoñ maiñ guzrā thā us ke shahr se lekin

    sab makān lagte the mujh ko us ke ghar jaise

    naqsh-gāh-e-hastī meñ dekhī apnī bhī tasvīr

    ek kāġhaz-e-sāda āñsuoñ se tar jaise

    chāhtī hai ab vahshat duur tak bayābānī

    kāTne ko aate haiñ ghar ke bām-o-dar jaise

    mujh se kyā sahe jaate un bazm ke ādāb

    ashk māñgte the vo ashk bhī guhar jaise

    maiñ bhī kitnā saada huuñ rahguzar pe baiThā huuñ

    rok legā vo paañv mujh ko dekh kar jaise

    merī ḳhvāhisheñ 'anjum' jaise nāchtī pariyāñ

    merā saarā mustaqbil ḳhvāb nagar jaise

    dhup ho gae sae jal gae shajar jaise

    jam gai hai dharti par ab ke dopahar jaise

    zist ke KHarabe mein ek siyah ghar dil ka

    aur dil mein yaad us ki raushni ka dar jaise

    kaise kaise hangame ghere rakhte the din-raat

    lag gai nigahon ko apni hi nazar jaise

    ya to aane se pahle ghar ka puchhte ahwal

    aa gae to ab kije ho guzar-basar jaise

    aise takta rahta hun us gali ke logon ko

    lene aaega koi meri bhi KHabar jaise

    muddaton main guzra tha us ke shahr se lekin

    sab makan lagte the mujh ko us ke ghar jaise

    naqsh-gah-e-hasti mein dekhi apni bhi taswir

    ek kaghaz-e-sada aansuon se tar jaise

    chahti hai ab wahshat dur tak bayabani

    kaTne ko aate hain ghar ke baam-o-dar jaise

    mujh se kya sahe jate un ki bazm ke aadab

    ashk mangte the wo ashk bhi guhar jaise

    main bhi kitna sada hun rahguzar pe baiTha hun

    rok lega wo panw mujh ko dekh kar jaise

    meri KHwahishen 'anjum' jaise nachti pariyan

    mera sara mustaqbil KHwab ka nagar jaise

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY