dhup mein tapta musafir pyas ka hal dekhta

dhuup meñ taptā musāfir pyaas kā hal dekhtā

kab use fursat thī ki aage kā daldal dekhtā

kitne dhāge minnatoñ ke bāñdhe haiñ tere liye

tū kabhī aatā mire gaaoñ kā pīpal dekhtā

sāmne baiThā huuñ us ke sar jhukā.e sharm se

kahtā thā tum paas hotī to musalsal dekhtā

uḌ ga.e haiñ hosh nāḳhun dekh us ke pair kā

kyā hī merā hashr hotā gar mukammal dekhtā

ab savārī par huuñ aayā huuñ chalā bhī jā.ūñgā

vo agar hotī to ye mela maiñ paidal dekhtā

gar mirī jogan pe pābandī na hotī dahr meñ

mornī jab raqs kartī saarā jangal dekhtā

dhup mein tapta musafir pyas ka hal dekhta

kab use fursat thi ki aage ka daldal dekhta

kitne dhage minnaton ke bandhe hain tere liye

tu kabhi aata mere gaon ka pipal dekhta

samne baiTha hun us ke sar jhukae sharm se

kahta tha tum pas hoti to musalsal dekhta

uD gae hain hosh naKHun dekh us ke pair ka

kya hi mera hashr hota gar mukammal dekhta

ab sawari par hun aaya hun chala bhi jaunga

wo agar hoti to ye mela main paidal dekhta

gar meri jogan pe pabandi na hoti dahr mein

morni jab raqs karti sara jangal dekhta