diwar ke pichhe nahin diwar ke andar hun main

dīvār ke pīchhe nahīñ dīvār ke andar huuñ maiñ

jis ġhaar ke bāhar ho tum us ġhaar ke andar huuñ maiñ

maujūdgī āḳhir ko nā-maujūdgī sābit huī

kuchh din ġhalat samjhā gayā bāzār ke andar huuñ maiñ

ab har qadam ik shor huuñ machtā huā sar-band shor

ab har tarah rang-o-ram-o-raftār ke andar huuñ maiñ

ā'māl dekhūñ to tire maidāñ se bāhar bhaag jā.ūñ

ahvāl dekhā hai so tere vaar ke andar huuñ maiñ

takrār aapas meñ ye din aur raat karte haiñ kareñ

takrār meñ kyā daḳhl duuñ takrār ke andar huuñ maiñ

is ḳhaak kā pīchhā na chhoḌ is ḳhuun kā dāman nichoḌ

talvār se bāhar bulā talvār ke andar huuñ maiñ

kuchh kuchh ye sar aur paañv bāhar haiñ so in kī fikr hai

baaqī kā saarā is garebāñ-zār ke andar huuñ maiñ

diwar ke pichhe nahin diwar ke andar hun main

jis ghaar ke bahar ho tum us ghaar ke andar hun main

maujudgi aaKHir ko na-maujudgi sabit hui

kuchh din ghalat samjha gaya bazar ke andar hun main

ab har qadam ek shor hun machta hua sar-band shor

ab har tarah rang-o-ram-o-raftar ke andar hun main

aa'mal dekhun to tere maidan se bahar bhag jaun

ahwal dekha hai so tere war ke andar hun main

takrar aapas mein ye din aur raat karte hain karen

takrar mein kya daKHl dun takrar ke andar hun main

is KHak ka pichha na chhoD is KHun ka daman nichoD

talwar se bahar bula talwar ke andar hun main

kuchh kuchh ye sar aur panw bahar hain so in ki fikr hai

baqi ka sara is gareban-zar ke andar hun main