dikha hai hur ka jab se shabab kabe mein

dikhā hai huur kā jab se shabāb ka.abe meñ

bahut se log hue haiñ ḳharāb ka.abe meñ

harām hai jo kahīñ lutf pī ke aayā ho

harām jab se huī hai sharāb ka.abe meñ

tavāf kar ke thakan se jo chuur chuur hue

hameñ dikhā.ī diyā but kā ḳhvāb ka.abe meñ

kahāñ pe karte haiñ āshiq tavāf gin gin ke

ḳhudā ke vāste mat kar hisāb ka.abe meñ

agar kaho to kareñge tavāf tuur kā ham

vagarna ruḳh se ulaT do naqāb ka.abe meñ

ḳhudā kā shukr ki ilhād kī himāyat meñ

ḳhudā ne ham pe utārī kitāb ka.abe meñ

dikha hai hur ka jab se shabab kabe mein

bahut se log hue hain KHarab kabe mein

haram hai jo kahin lutf pi ke aaya ho

haram jab se hui hai sharab kabe mein

tawaf kar ke thakan se jo chur chur hue

hamein dikhai diya but ka KHwab kabe mein

kahan pe karte hain aashiq tawaf gin gin ke

KHuda ke waste mat kar hisab kabe mein

agar kaho to karenge tawaf tur ka hum

wagarna ruKH se ulaT do naqab kabe mein

KHuda ka shukr ki ilhad ki himayat mein

KHuda ne hum pe utari kitab kabe mein