dikhai denge jo gul mez par qarine se

Shariq Jamal

dikhai denge jo gul mez par qarine se

Shariq Jamal

MORE BYShariq Jamal

    dikhā.ī deñge jo gul mez par qarīne se

    havā.eñ chheḌeñgī aa kar khule darīche se

    ḳhalā meñ aaj sakūñ apnā DhūñDhtā hai vahī

    bahal gayā thā jo bachcha kabhī khilaune se

    tumhāre dil meñ hai ik karb kisī ke liye

    ye baat ham ne paḌhī hai tumhāre chehre se

    jale dil to yaqīnan laboñ pe hogī karāh

    dhuāñ to phailegā jañgal meñ aag lagne se

    fazā meñ sūrat-e-shāhīñ buland ho kar dekh

    dikhā.ī deñge ye ūñche daraḳht chhoTe se

    sunā.ī hai kahīñ kyā ḳhizāñ ke pānoñ chaap

    ki phuul aaj haiñ gulshan meñ sahme sahme se

    chalo ki pūchheñ kisī soḳhta-jigar se ye baat

    gurez hotā hai kab aadmī ko jiine se

    vafā na TūTne vaalī hai ek shai 'shāriq'

    karo vafā ko na ta.abīr kachche dhāge se

    dikhai denge jo gul mez par qarine se

    hawaen chheDengi aa kar khule dariche se

    KHala mein aaj sakun apna DhunDhta hai wahi

    bahal gaya tha jo bachcha kabhi khilaune se

    tumhaare dil mein hai ek karb sa kisi ke liye

    ye baat hum ne paDhi hai tumhaare chehre se

    jale dil to yaqinan labon pe hogi karah

    dhuan to phailega jangal mein aag lagne se

    faza mein surat-e-shahin buland ho kar dekh

    dikhai denge ye unche daraKHt chhoTe se

    sunai di hai kahin kya KHizan ke panon ki chap

    ki phul aaj hain gulshan mein sahme sahme se

    chalo ki puchhen kisi soKHta-jigar se ye baat

    gurez hota hai kab aadmi ko jine se

    wafa na TuTne wali hai ek shai 'shaariq'

    karo wafa ko na tabir kachche dhage se

    Source:

    • Book : عکس بر عکس (Pg. 26)
    • Author : شارق جمال
    • Publication : شاہد پریس ناگپور (1986)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY