dil abhi tak jawan hai pyare

Hafeez Jalandhari

dil abhi tak jawan hai pyare

Hafeez Jalandhari

MORE BYHafeez Jalandhari

    dil abhī tak javān hai pyāre

    kis musībat meñ jaan hai pyāre

    mire haal ḳhayāl na kar

    is meñ bhī ek shaan hai pyāre

    talḳh kar hai zindagī jis ne

    kitnī mīThī zabān hai pyāre

    vaqt kam hai na chheḌ hijr baat

    ye baḌī dāstān hai pyāre

    jaane kyā kah diyā thā roz-e-azal

    aaj tak imtihān hai pyāre

    ham haiñ bande magar tire bande

    ye hamārī bhī shaan hai pyāre

    naam hai is nāseh-e-mushfiq

    ye mirā mehrbān hai pyāre

    kab kiyā maiñ ne ishq daavā

    terā apnā gumān hai pyāre

    maiñ tujhe bevafā nahīñ kahtā

    dushmanoñ bayān hai pyāre

    saarī duniyā ko hai ġhalat-fahmī

    mujh pe to mehrbān hai pyāre

    tere kūche meñ hai sukūñ varna

    har zamīñ āsmān hai pyāre

    ḳhair fariyād be-asar sahī

    zindagī nishān hai pyāre

    sharm hai ehtirāz hai kyā hai

    parda darmiyān hai pyāre

    arz-e-matlab samajh ke ho na ḳhafā

    ye to ik dāstān hai pyāre

    jañg chhiḌ jaa.e ham agar kah deñ

    ye hamārī zabān hai pyāre

    dil abhi tak jawan hai pyare

    kis musibat mein jaan hai pyare

    tu mere haal ka KHayal na kar

    is mein bhi ek shan hai pyare

    talKH kar di hai zindagi jis ne

    kitni miThi zaban hai pyare

    waqt kam hai na chheD hijr ki baat

    ye baDi dastan hai pyare

    jaane kya kah diya tha roz-e-azal

    aaj tak imtihan hai pyare

    hum hain bande magar tere bande

    ye hamari bhi shan hai pyare

    nam hai is ka naseh-e-mushfiq

    ye mera mehrban hai pyare

    kab kiya main ne ishq ka dawa

    tera apna guman hai pyare

    main tujhe bewafa nahin kahta

    dushmanon ka bayan hai pyare

    sari duniya ko hai ghalat-fahmi

    mujh pe to mehrban hai pyare

    tere kuche mein hai sukun warna

    har zamin aasman hai pyare

    KHair fariyaad be-asar hi sahi

    zindagi ka nishan hai pyare

    sharm hai ehtiraaz hai kya hai

    parda sa darmiyan hai pyare

    arz-e-matlab samajh ke ho na KHafa

    ye to ek dastan hai pyare

    jang chhiD jae hum agar kah den

    ye hamari zaban hai pyare

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY