dil agar saf nahin hai to dua kaisi hai
dil agar saaf nahīñ hai to du'ā kaisī hai
muḳhliso ye to batāo ye vafā kaisī hai
aaj bhī aap se hai tark-e-ta'alluq lekin
merī sāñsoñ meñ ye ḳhushbū-e-hinā kaisī hai
baat kahnī hai to chhā jaao sabhī zehnoñ par
ye na dekho ki zamāne kī havā kaisī hai
zinda rahne ko to patthar kī tarah bhī jī leñ
dekhnā ye hai ki jiine kī adā kaisī hai
fāsle aap ne dānista baḌhā.e haiñ to phir
siskiyoñ kī mire kānoñ meñ sadā kaisī hai
jis kī sāñsoñ se dilāsoñ kī mahak aatī thī
us ke chehre pe shikāyat kī ghaTā kaisī hai
jin ke sīnoñ meñ 'munavvar' the usūloñ ke charāġh
un ke jismoñ pe lahū-rang qabā kaisī hai
dil agar saf nahin hai to du'a kaisi hai
muKHliso ye to batao ye wafa kaisi hai
aaj bhi aap se hai tark-e-ta'alluq lekin
meri sanson mein ye KHushbu-e-hina kaisi hai
baat kahni hai to chha jao sabhi zehnon par
ye na dekho ki zamane ki hawa kaisi hai
zinda rahne ko to patthar ki tarah bhi ji len
dekhna ye hai ki jine ki ada kaisi hai
fasle aap ne danista baDhae hain to phir
siskiyon ki mere kanon mein sada kaisi hai
jis ki sanson se dilason ki mahak aati thi
us ke chehre pe shikayat ki ghaTa kaisi hai
jin ke sinon mein 'munawwar' the usulon ke charagh
un ke jismon pe lahu-rang qaba kaisi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
