دل بتا اور کیا ہے ہونے کو
دل بتا اور کیا ہے ہونے کو
چوٹ کھائی ہے میں نے رونے کو
بے نوا خواب منتظر ہیں مرے
رات باقی کہاں ہے سونے کو
سوزن شوق کو شب ہجراں
صرف آنسو ملے پرونے کو
اپنی خوشیوں میں دوسروں کے غم
حوصلہ چاہئے سمونے کو
نہیں معلوم انتظام ہے کیا
دامن زیست کے بھگونے کو
نکہتوں کے دیار میں مجھ کو
آتشیں گل ملے پرونے کو
روز امید جاگ جاتی ہے
گمشدہ آرزو کے کھونے کو
کچھ تو احباب کام آئیں گے
کشتئ شوق کے ڈبونے کو
فکر اس کو ہو جس کے پاس ہو کچھ
کچھ نہیں میرے پاس کھونے کو
میں ہوں تنہائی کا سمندر ہے
غم کھڑے ہیں مجھے ڈبونے کو
آگہی صرف کام آئی رضاؔ
میرے داغ جنوں کے دھونے کو
مأخذ:
Yadon Ki Khushboo (Pg. 38)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
