dil bhi auron ko qarib-e-rag-e-jaan chahta hai

dil bhī auroñ ko qarīb-e-rag-e-jāñ chāhtā hai

tū bhī pahle kī tarah mujh ko kahāñ chāhtā hai

barsar-e-teġh-e-sitam ham ne hī e'lān kiyā

sar vahī sar hai jo bas nok-e-sināñ chāhtā hai

ham nahīñ haiñ tujhe siine se lagāne pe ba-zid

bas ragoñ kā ye lahū sail-e-ravāñ chāhtā hai

dil ko pahle se bhī aaseb sā kuchh rahtā thā

phir se jalvoñ kā tire barq-e-tapāñ chāhtā hai

maiñ ki maddham kiye baiThā huuñ sabhī dāġh-e-jigar

aur tū ātish-e-vahshat kā dhuāñ chāhtā hai

ab bahut dasht-navardī huī 'āsif' sāhib

ab badan maut kī āvāz pe haañ chāhtā hai

dil bhi auron ko qarib-e-rag-e-jaan chahta hai

tu bhi pahle ki tarah mujh ko kahan chahta hai

barsar-e-tegh-e-sitam hum ne hi e'lan kiya

sar wahi sar hai jo bas nok-e-sinan chahta hai

hum nahin hain tujhe sine se lagane pe ba-zid

bas ragon ka ye lahu sail-e-rawan chahta hai

dil ko pahle se bhi aaseb sa kuchh rahta tha

phir se jalwon ka tere barq-e-tapan chahta hai

main ki maddham kiye baiTha hun sabhi dagh-e-jigar

aur tu aatish-e-wahshat ka dhuan chahta hai

ab bahut dasht-nawardi hui 'asif' sahib

ab badan maut ki aawaz pe han chahta hai