dil dasht hai to ashk-fishani karenge hum

Abhinandan Pandey

dil dasht hai to ashk-fishani karenge hum

Abhinandan Pandey

MORE BYAbhinandan Pandey

    dil dasht hai to ashk-fishānī kareñge ham

    ye kaam bas barā-e-ravānī kareñge ham

    baiThe haiñ shāmiyāna-e-shab-rañg meñ udaas

    rañg-e-ruḳh-e-shafaq abhī dhānī kareñge ham

    pichhle baras ke ishq pe ham ko yaqīn thā

    agle baras ishq gumānī kareñge ham

    chāheñ to is ko teġh-e-ḳhamoshī se kaaT deñ

    lekin junūñ se jañg zabānī kareñge ham

    Thahre haiñ sail-e-harf-o-ma.ānī meñ dam-ba-ḳhud

    zāhir kabhī to dard-e-nihānī kareñge ham

    qāmat pe apnī naaz kare koh-e-shām-e-ġham

    ghabrā ke aaj marsiya-ḳhvānī kareñge ham

    dariyā samt bhāgte jā.eñge saarī umr

    āḳhir meñ apnī pyaas ko paanī kareñge ham

    dil dasht hai to ashk-fishani karenge hum

    ye kaam bas bara-e-rawani karenge hum

    baiThe hain shamiyana-e-shab-rang mein udas

    rang-e-ruKH-e-shafaq abhi dhani karenge hum

    pichhle baras ke ishq pe hum ko yaqin tha

    agle baras ka ishq gumani karenge hum

    chahen to is ko tegh-e-KHamoshi se kaT den

    lekin junun se jang zabani karenge hum

    Thahre hain sail-e-harf-o-maani mein dam-ba-KHud

    zahir kabhi to dard-e-nihani karenge hum

    qamat pe apni naz kare koh-e-sham-e-gham

    ghabra ke aaj marsiya-KHwani karenge hum

    dariya ki samt bhagte jaenge sari umr

    aaKHir mein apni pyas ko pani karenge hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY