دل دشت ہے وفور تمنا غبار ہے
دلچسپ معلومات
(مارچ، 1963ء)
دل دشت ہے وفور تمنا غبار ہے
اے ابر نو امید ترا انتظار ہے
پھر استوار رابطۂ سنگ و سر ہوا
پھر ان دنوں جنوں کو ہوا سازگار ہے
جاں دادگی کی رسم جگاؤ کہ آج کل
پھر ملتفت ہوائے سر رہ گزار ہے
ہر نکہت خیال اسیر ہوا ہوئی
ہر موج نور کم نگہی کی شکار ہے
روشن ضمیر تیرہ نصیبی خدا کی شان
اتنی سی اب حکایت لیل و نہار ہے
ہاں اے ہوائے دشت ادھر شہر میں بھی آ
محبوس کب سے نکہت گیسوئے یار ہے
کہئے تو کس طرح جو نہ کہئے تو کس طرح
عرض سخن میں لفظ بھی بے اعتبار ہے
لب بستہ دل کشادہ چمن میں گزاریے
یہ غنچگی کی رسم گلوں کا شعار ہے
باقرؔ غزل میں رمز و کنایہ بجا مگر
یہ احتیاط حرف تمنا پہ بار ہے
مأخذ:
Kulliyat-e-Baqir (Pg. 98)
- مصنف: Sajjad Baqir Rizvi
-
- اشاعت: 2010
- ناشر: Sayyed Mohammad Ali Anjum Rizvi
- سن اشاعت: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
