dil dhuan dene lage aankh pighalne lag jae

Zeeshan Athar

dil dhuan dene lage aankh pighalne lag jae

Zeeshan Athar

MORE BYZeeshan Athar

    dil dhuāñ dene lage aañkh pighalne lag jaa.e

    tum jise dekh lo ik baar vo jalne lag jaa.e

    raqs kartī haiñ ka.ī raushniyāñ kamre meñ

    us chehra na kahīñ rañg badalne lag jaa.e

    tez-tez-raftāri-e-duniyā na badal de me.aar

    shaam ke saath kahīñ umr na Dhalne lag jaa.e

    raushnī meñ tirī raftār se kartā huuñ safar

    zindagī mujh se kahīñ tez na chalne lag jaa.e

    ristā paanī bhī ġhanīmat hai vo din duur nahīñ

    rauzan-e-chashm se jab ret nikalne lag jaa.e

    reg-e-sahrā hai tire jism ke sone misāl

    aañkh phisle to kabhī paañv phisalne lag jaa.e

    shāḳh-e-dil kaaT ke miTTī meñ dabā ham ne

    kaash aisā ho ki ye phūlne-phalne lag jaa.e

    ham bhī hañgāma-e-bāzār-e-jahāñ se guzre

    jaise 'zīshān' koī niiñd meñ chalne lag jaa.e

    dil dhuan dene lage aankh pighalne lag jae

    tum jise dekh lo ek bar wo jalne lag jae

    raqs karti hain kai raushniyan kamre mein

    us ka chehra na kahin rang badalne lag jae

    tez-tez-raftari-e-duniya na badal de mear

    sham ke sath kahin umr na Dhalne lag jae

    raushni mein teri raftar se karta hun safar

    zindagi mujh se kahin tez na chalne lag jae

    rista pani bhi ghanimat hai wo din dur nahin

    rauzan-e-chashm se jab ret nikalne lag jae

    reg-e-sahra hai tere jism ke sone ki misal

    aankh phisle to kabhi panw phisalne lag jae

    shaKH-e-dil kaT ke miTTi mein daba di hum ne

    kash aisa ho ki ye phulne-phalne lag jae

    hum bhi hangama-e-bazar-e-jahan se guzre

    jaise 'zishan' koi nind mein chalne lag jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now