دل بے مدعا کا مدعا کیا
دل بے مدعا کا مدعا کیا
کسی ساز شکستہ کی صدا کیا
لرز جاتا ہوں ذکر آرزو سے
یہی ہے آرزوؤں کا صلہ کیا
وفا نا آشنا سے کیا شکایت
فسوں پرور نگاہوں سے گلہ کیا
تموج ہے نہ طغیانی نہ گرداب
یہ دریائے محبت کو ہوا کیا
گریباں چاک ہیں ہم بھی چمن میں
خبر تجھ کو نہیں باد صبا کیا
دل مجبور کا سرمایۂ زیست
فغان صبح گاہی کے سوا کیا
شہیدان وفا سے کوئی پوچھے
محبت کیا ہے تسلیم و رضا کیا
ہوائے تیز بھی آئے تو کیا غم
بجھا کرتی ہے قندیل وفا کیا
ترے الطاف کے محتاج ہیں سب
فقیہ و رند کیا شاہ و گدا کیا
مرے دل سے کوئی فاروقؔ پوچھے
جفا کیا ہے تغافل کیا ادا کیا
مأخذ:
مینائے غزل (Pg. 72)
- مصنف: بشیر فاروق
-
- ناشر: مکتبہ لالہ زار کراچی
- سن اشاعت: 1958
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
